Qəbələ şəhərində "Sülh körpüsü" təşəbbüsü çərçivəsində Azərbaycan və Ermənistanın vətəndaş cəmiyyətlərinin nümayəndələrinin iştirakı ilə ikitərəfli dəyirmi masa başlayıb.
Shimal.News xəbər verir ki, tədbir 10–12 aprel tarixlərində keçiriləcək.
Vətəndaş cəmiyyəti nümayəndələri arasında dialoq 2025-ci il 8 avqustda Vaşinqton şəhərində Azərbaycan, Ermənistan və ABŞ liderlərinin iştirakı ilə keçirilmiş üçtərəfli sammitdə təsdiqlənmiş sülh gündəliyi çərçivəsində aparılır.
Görüşdə sülh prosesinin hazırkı vəziyyəti, "Sülh Körpüsü" təşəbbüsü iştirakçılarının ölkələrində həyata keçirdiyi fəaliyyətlər, əldə olunan nəticələr və regiondakı ümumi vəziyyət müzakirə olunur. Sessiyalarda həmçinin cəmiyyətlər səviyyəsində sülhün təşviqi və qarşılıqlı etimadın gücləndirilməsi məsələləri diqqət mərkəzində saxlanılır.
Qeyd edək ki, erməni nümayəndə heyəti Azərbaycana quru sərhəd vasitəsilə daxil olaraq müvafiq sərhəd və pasport nəzarət prosedurlarından keçib.
