Azərbaycanda 65 yaşdan yuxarı olan və fəaliyyətini davam etdirən icra başçıları var. Onların arasında uzun illərdir eyni rayon və ya şəhərə rəhbərlik edən, eləcə də müxtəlif bölgələrdə icra başçısı vəzifəsində çalışmış şəxslər yer alır.
Kişilər üçün pensiya yaşının 65 olduğu nəzərə alınmaqla, bu şəxslər həmin yaş həddini keçdikdən sonra da vəzifələrini davam etdirirlər.
Şimal rayonlarında pensiya yaşını keçməsinə baxmayaraq fəaliyyətini davam etdirən icra başçıları barədə məlumatları təqdim edirik.
Novruz Novruzov - 71 yaş
Siyəzən Rayon İcra Hakimiyyətinin başçısı Novruz Novruzov 2 may 1954-cü ildə Lerik rayonunun Zövnə kəndində anadan olub. O, 1995-ci ildən müxtəlif rayonlarda icra başçısı vəzifəsində çalışıb. 1995-2002-ci illərdə Lerik, 2002-2007-ci illərdə Goranboy, 2007-2019-cu illərdə isə Şabran rayonlarına rəhbərlik edib. 2019-cu ildən Siyəzən Rayon İcra Hakimiyyətinin başçısıdır və hazırda da vəzifəsini davam etdirir.
Sahir Məmmədxanov - 66 yaş
Qusar Rayon İcra Hakimiyyətinin başçısı Sahir Məmmədxanov 5 noyabr 1959-cu ildə İsmayıllı rayonunun Qubaxəlilli kəndində anadan olub. Uzun illər vergi sistemində çalışıb. 8 iyul 2024-cü ildə Qusar Rayon İcra Hakimiyyətinin başçısı vəzifəsinə təyin edilib və hazırda da bu vəzifədə fəaliyyət göstərir.
