Xaçmaz rayonunun Yalama kəndində iki nəfəri qətlə yetirməkdə və evi yandırmaqda təqsirləndirilən Ramin Ağaxanov barəsində çıxarılmış hökmdən kassasiya şikayəti verib.
Pravda.az-ın məlumatına görə, şikayət Azərbaycan Respublikası Ali Məhkəməsi tərəfindən araşdırılır və iş hakim İlqar Cəfərov icraatındadır. Təqsirləndirilən şəxs cəzasının yüngülləşdirilməsini istəyir.
Qeyd edək ki, 2023-cü ilin aprelində baş verən hadisə zamanı kənd sakinləri Aslan və Rumayə Tarverdiyevlər yaşadıqları evdə öldürülmüş, daha sonra ev yandırılmışdı. Məhkəmənin hökmü ilə Ramin Ağaxanov ömürlük azadlıqdan məhrum edilib. Apellyasiya instansiyası da hökmü qüvvədə saxlayıb.
