Dəmiryolu Nəqliyyatında Polis İdarəsinin Xaçmaz Xətt Polis Şöbəsinin əməkdaşları tərəfindən keçirilən birgə əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən iki nəfər saxlanılıb.
Shimal.News xəbər verir ki, tədbirlər zamanı əvvəllər məhkum olunmuş 59 yaşlı S.Siracov və 37 yaşlı A.Həsənov tutulublar. Həmin şəxslərin üzərinə baxış keçirilərkən ümumilikdə 1 kiloqrama yaxın narkotik vasitə olan marixuana aşkarlanaraq götürülüb.
Faktla bağlı araşdırma aparılır.
