Dövlət Ekoloji Təhlükəsizlik Xidməti Xaçmaz və Qusar rayonlarının inzibati ərazisində yaşıllıqların məhv edilməsi halları müəyyən edib.
Shimal.News xəbər verir ki, aparılan araşdırmalar nəticəsində Xaçmaz rayonunun Həsənqala kəndi ərazisində kənd sakini Faiq Həmdullayev tərəfindən 4 ədəd, Qusar rayonunun Yuxarı Qələnxur kəndi ərazisində isə kənd sakini Məcid Həsəsnov tərəfindən 1 ədəd ağacın qanunsuz kəsildiyi məlum olub.
Faktlarla bağlı adıçəkilən şəxslər barəsində fiziki şəxs qismində protokollar tərtib edilib və onlar inzibati məsuliyyətə cəlb olunublar. Araşdırmalar davam etdirilir.
