Qusar rayonunda 23 yaşlı gənc bacısının həyat yoldaşına xəsarət yetirib.
2003-cü il təvəllüdlü Sərdar anası Səmayənin ünvanına nalayiq ifadələr işlətdiyi üçün yeznəsi Səmədlə (adlar şərtidir) mübahisə edib.
Mübahisə zamanı Sərdar yeznəsinin üz nahiyəsinə yumruq zərbəsi endirib. Nəticədə zərərçəkən müxtəlif xəsarətlər alıb.
Sərdar ifadəsində bildirib ki, hadisə günü evə qayıdarkən anası ilə yeznəsinin mübahisə etdiyini görüb. Onun sözlərinə görə, yeznəsi yenidən anasının ünvanına nalayiq ifadələr işlətdiyi üçün aralarında mübahisə yaranıb.
Bu zaman o, yeznəsinin üz nahiyəsinə yumruqla zərbə vurub. Zərbənin təsirindən zərərçəkən pilləkənlərdən yıxılıb, daha sonra isə evi tərk edib.
Məhkəmədə tərəflər arasında barışıq əldə olunduğu bildirilib.
Zərərçəkən şəxsin şikayətini geri götürdüyü və təqsirləndirilən şəxsi bağışladığı məlum olub.
Qusar Rayon Məhkəməsinin qərarı ilə Sərdar barəsində amnistiya tətbiq edilib.
O, cinayət məsuliyyətindən azad olunub və cinayət işi üzrə icraata xitam verilib.
Mənbə: Demokrat.аz
