Qusarda həyat yoldaşından ayrılan kişi məsciddə keçmiş qayınatasını bıçaqlayıb.
Oxu.az-ın məlumatına görə, hadisə keçən il mart ayının 12-də rayonun Mucuqoba kəndində baş verib. Qusar rayon sakini Alı Ağayev (soyadı şərtidir) bir il əvvəl həyat yoldaşından boşanaraq Bakı şəhərinə köçüb. Təxminən bir il sonra Alı Qusar rayonunun Mucuqoba kəndində yerləşən məsciddə iftar süfrəsi təşkil edib.
İftar süfrəsi başa çatdıqdan sonra keçmiş qayınatası Rövşən məscidə daxil olaraq onu küçəyə çağırıb. Alı məsciddən çıxarkən Rövşən əlindəki taxta parçası ilə onun baş nahiyəsinə zərbə endirib. Bundan sonra Alı cibindəki bıçağı çıxararaq Rövşənə zərbələr endirib.
Səs-küyə məsciddə olan şəxslər hadisə yerinə gələrək onları ayırıblar.
Hadisə yerinə polis əməkdaşları gəlib, Alı saxlanılıb. Faktla bağlı cinayət işi başlanılıb və iş məhkəməyə göndərilib. Məhkəmənin hökmü ilə Alı Ağayev 7 il 10 ay 15 gün müddətinə azadlıqdan məhrum edilib.
