Qusar rayonunun Hil kəndində bıçaqlanma hadisəsi baş verib.
Shimal.News-un əldə etdiyi məlumata görə, hadisə üç gün əvvəl qeydə alınıb. Kənd sakini Azər (ad şərtidir) keçmiş həyat yoldaşını kənd ərazisində yerləşən gölün yaxınlığına çağırıb. Orada aralarında yaranan mübahisə zamanı Azər qadını boğaz nahiyəsindən bıçaqlayaraq qətlə yetirib.
Üç gündür itkin düşdüyü hesab edilən qadının meyiti dünən polis əməkdaşları tərəfindən həmin gölün ərazisində aşkar edilib.
Cinayəti törətməkdə şübhəli bilinən keçmiş ər saxlanılıb. Faktla bağlı hüquq-mühafizə orqanları tərəfindən araşdırma aparılır.
Qeyd edək ki, Azər Hil kənd məktəbində bağban vəzifəsində çalışıb.
