Dövlət Ekoloji Təhlükəsizlik Xidməti tərəfindən Quba və Qax rayonlarının inzibati ərazisində qanunsuz yolla ağac kömürü istehsal edilən kömür quyuları aşkar olunub.
Shimal.News xəbər verir ki, aparılan araşdırmalar nəticəsində qanunsuz kömür istehsalı ilə məşğul olan şəxslərin Qusar şəhər sakini Emil Babayev, Quba rayonunun Rustov kənd sakinləri Asim Məhərrəmov və Elşən Bayramov, Tülər kənd sakini Mübariz Nurullayev, eləcə də Qax rayonunun Laləli kənd sakini Elşən Abdullayev olduğu müəyyən edilib.
Faktlarla bağlı adıçəkilən şəxslər barəsində akt və protokol tərtib edilərək qanunamüvafiq tədbirlər görülüb. Qanunsuz fəaliyyət göstərən kömür quyuları isə ləğv edilib.
