Şəki Ağır Cinayətlər Məhkəməsində qəsdən adam öldürmə və qəsdən adam öldürməyə cəhd ittihamları ilə təqsirləndirilən Əlibaba Gəncimovun cinayət işi üzrə məhkəmə istintaqı yekunlaşıb.
Shimal.News məlumat verir ki, hakim Tural Əfəndizadənin sədrliyi ilə keçirilən prosesdə hökm elan olunub. Məhkəmə Əlibaba Gəncimovu Cinayət Məcəlləsinin müvafiq maddələri ilə təqsirli bilsə də, onun hadisə zamanı öldüyü nəzərə alınaraq barəsində cəza təyin edilməyib.
Qeyd edək ki, hadisə 17 oktyabr 2025-ci il tarixində Qəbələ rayonunun Zərgərli kəndində baş verib. İstintaq materiallarına görə, Əlibaba Gəncimov silahla Akif Məmmədliyə məxsus evə hücum edərək 1951-ci il təvəllüdlü Gülsadə Məmmədliyevanı qəsdən öldürüb, onun nəvəsi Nurlan Məmmədliyevə isə xəsarət yetirib. Daha sonra N.Məmmədliyev odlu silahla atəş açaraq Əlibaba Gəncimovu öldürüb.
Faktla bağlı Qəbələ Rayon Prokurorluğunda müvafiq maddələrlə cinayət işi başlanmışdı.
