Qəbələ Rayon Mərkəzi Xəstəxanası ilə bağlı baş həkim təyinatı adı altında törədildiyi iddia olunan dələduzluq işi üzrə kassasiya şikayəti verilib.
Pravda.az-ın məlumatına görə, iş Ali Məhkəmədə hakim İlkin Rəcəbovun sədrliyi ilə araşdırılacaq.
İttihama görə, xəstəxananın həkimi olmuş Novruz Əlimirzəyevdən baş həkim vəzifəsinə təyin olunmaq vədi ilə ümumilikdə 250 min manat alınıb. Dəstə üzvlərinin saxta sənədlər hazırlayaraq həkimin etimadını qazandıqları bildirilir.
Bakı Ağır Cinayətlər Məhkəməsinin hökmü ilə təqsirləndirilən şəxslərə müxtəlif müddətlərə həbs və şərti cəzalar verilib. İş üzrə araşdırma davam edir.
