Azərbaycan Müəllimlər İnstitutunun Zaqatala filialının sabiq direktoru professor Orucəli Rzayev vəfat edib.
Shimal.News məlumat verir ki, 69 yaşlı elm xadiminin səhhəti anidən pisləşib və o, dünyasını dəyişib.
Fizika-riyaziyyat elmləri doktoru Orucəli Rzayevin son dövrdə Gəncə Dövlət Universitetinin (GDU) Riyazi analiz kafedrasının müdiri vəzifəsində çalışıb. 2011-ci ildə Azərbaycan Respublikası Prezidentinin sərəncamı ilə "Tərəqqi" medalı, 10 may 2016-cı ildə Elm və Təhsil Nazirliyinin "Qabaqcıl Təhsil işçisi" döş nişanı ilə təltif olunub.
