Oğurluq etməkdə təqsirləndirilən Cavid Qəmbərli barəsindəki qərardan kassasiya şikayəti verilib.
Shimal.News-un əldə etdiyi məlumata görə, hakim Nazim Mövsümovun sədrliyi ilə keçirilən prosesdə qərar elan olunub.
İttihama görə, Cavid Qəmbərli 2021-ci ilin sentyabr ayından 2022-ci ilin martın 2-dək olan müddət ərzində zərərçəkmiş Vaqif Quliyevə məxsus Xaçmaz rayonu, Susayqışlaq kəndində yerləşən fermada mühafizəçi kimi işləyib. O, çalışdığı müddətdə ümumilikdə 73 100 manat dəyərində oğurluq edib. Belə ki, 3 300 manat dəyərində 22 baş qoyunu, 2 200 manat dəyərində olan 1 baş inək və inəyin 6 aylıq balasını, 60 000 manat dəyərində olan 15 000 ədəd farel balığını, 7 500 manat dəyərində olan 5 ədəd havalandırıcı mühərriki, 4 ədəd balıqlara su vermək üçün nəzərdə tutulmuş mühərriki və 100 manat dəyərində "Samsung" markalı telefonu gizli olaraq talayıb.
Məhkəmədə bildirilib ki, Cavid Qəmbərli bundan əvvəl də fermadan oğurluq etdiyi üçün maaşı 500 manatdan 300 manata endirilib.
Onu da qeyd edək ki, zərərçəkmiş Mahir Əsədov şirkətlərin birində direktor müavini vəzifəsində çalışıb.
Sumqayıt Ağır Cinayətlər Məhkəməsinin hökmü ilə o, 7 il müddətinə azadlıqdan məhrum edilib. Sumqayıt Apellyasiya Məhkəməsinin qərarına əsasən, apellyasiya şikayəti təmin edilməyib. Ali Məhkəmənin qərarı ilə də kassasiya şikayəti təmin edilməyib.
Fidan İlqar
