Balakən şəhərində qadınlar arasında yaranan mübahisə xəsarətlə nəticələnib.
Məlumata görə, hadisə Səttar Gözəlov küçəsi, 13 ünvanında yerləşən "Qubek" hotelin yaxınlığında baş verib.
1980-ci il təvəllüdlü Turanə (ad şərtidir – red.) qardaşının keçmiş həyat yoldaşı Şölə ilə mübahisə edib. Bu vaxt Turanə ona şillə və yumruq vuraraq xəsarət yetirib.
Faktla bağlı qadın Cinayət Məcəlləsinin 128-ci maddəsi ilə təqsirləndirilib.
Məhkəmədə Turanə əməlini etiraf edib və peşman olduğunu bildirib. Tərəflərin barışdığı, zərərin də tam ödənildiyi qeyd olunub. Zərərçəkən də təqsirləndirilən şəxsə qarşı şikayət və tələbinin olmadığını bildirib.
Balakən Rayon Məhkəməsinin hökmü ilə cinayət təqibinə xitam verilib və qadın cinayət məsuliyyətindən azad edilib.
Mənbə: Demokrat.az
