Xaçmazlı MMA döyüşçüsü Vüqar Kərəmov ("Vugi") Yaponiyanın nüfuzlu Rizin turnirində növbəti qarşılaşmasına hazırlaşır.
Shimal.News xəbər verir ki, 33 yaşlı idmançı sentyabrın 10-da keçiriləcək döyüşdə 66 kq çəki dərəcəsində yaponiyalı Ryo Takagi ilə üz-üzə gələcək. Döyüşçülər artıq rəsmi çəki mərasimində iştirak ediblər.
Kərəmov üçün qarşılaşma Rizin səhnəsində mövqeyini möhkəmləndirmək baxımından mühüm əhəmiyyət daşıyır. Xaçmazlı döyüşçü qələbə qazanacağı halda ilin sonunda çempionluq kəməri uğrunda mübarizəyə bir addım da yaxınlaşa bilər.
