Xaçmaz rayonunun Qusarçay kəndində təmirdən çıxan kənd stadionunun açılışı keçirilib.
Shimal.News xəbər verir ki, mərasimdə Quba-Xaçmaz Regional Gənclər və İdman İdarəsinin rəisi Qumru Məmmədova çıxış edərək sahibkarların və özəl sektorun idmanın inkişafına verdiyi dəstəyin əhəmiyyətindən danışıb.
Qumru Məmmədova bu cür təşəbbüslərin regionlarda yeniyetmə və gənc futbolçuların yetişdirilməsinə əlavə imkan yaradacağını bildirib.
Yenilənən stadion dəmir hasarla əhatələnib, ərazi projektorlar, oturacaqlar və digər zəruri avadanlıqlarla təchiz olunub.
Açılış mərasimində Xaçmazın "Şimal" Futbol Klubunun futbolçuları və rayonun idman ictimaiyyətinin nümayəndələri iştirak ediblər.
