Çimərlik güləşi üzrə U-17 Azərbaycan çempionatında Xaçmaz təmsilçiləri uğurlu çıxış edərək medalçılar sırasında yer alıblar.
Shimal.News xəbər verir ki, Avropa Oyunları Parkında (EGP Arena) keçirilən yarışda rekord sayda – 131 güləşçi mübarizə aparıb.
70 kq çəki dərəcəsində Omar Dəmirqayayev (Xaçmaz) gümüş medal qazanıb.
90 kq çəki dərəcəsində isə Elvin Hacıquliyev (Xaçmaz) bütün rəqiblərini üstələyərək Azərbaycan çempionu olub.
Qeyd edək ki, yarışda əvvəlcə nokaut sistemi üzrə görüşlər keçirilib, daha sonra iştirakçılar qruplarda mübarizəni davam etdiriblər. Günün sonunda medal uğrunda qarşılaşmalar baş tutub.
Bu gün isə eyni məkanda kişilər və U-17 qızlar arasında çimərlik güləşi üzrə Azərbaycan çempionatı keçiriləcək.
