Bu gün III MDB Oyunları çərçivəsində Qəbələdə final yarışları keçiriləcək.
Shimal.News xəbər verir ki, şəhər stadionunda futbol üzrə final matçı baş tutacaq. Saat 14:00-da Azərbaycan və Rusiyanın U-16 yığmaları üz-üzə gələcək. Daha sonra həmçinin badmintonçular bacarıqlarını göstərəcəklər.
Şəkidə isə çövkən üzrə yarımfinal matçları keçiriləcək.
III MDB Oyunları oktyabrın 8-də başa çatacaq. Yarışa 13 ölkədən 1 624 idmançı və 2 337 nümayəndə qatılıb. Turnirdə Azərbaycanı 340, Pakistanı 4, Rusiyanı 262, Özbəkistanı 254, Belarusu 240, Qazaxıstanı 147, Tacikistanı 144, Qırğızıstanı 126, Türkmənistanı 48, Türkiyəni 38, Kubanı 11, Küveyti 6, Omanı isə 4 idmançı təmsil edir.
