Azərbaycanın futbol üzrə 2-ci Liqa təmsilçisi "Sheki City"nin üzərində buludlat qaralır.
Fanat.az-ın məlumatına görə, komandanın titul sponsoru olan turizm şirkəti - verdiyi vədlərə xilaf çıxan "Flyblast"ın rəhbərliyi telefon zənglərini belə cavabsız qoyur.
Komandanın bəzi futbolçuları son 1 ayın, digərləri isə 2 aydın əməkhaqqısını almayıb.
Çempionatın 8-ci turunda maliyyə problemlərinə rəğmən, "Kür-Araz"la səfər matçına yollanan və 4:1 hesablı qələbə qazanan texniki heyətin də səbr kasası daşıb. Belə davam etsə, komandanın məşqləri də dayandırılacaq.
Qeyd edək ki, hazırda 16 xalı olan Şəki komandası 2-ci Liqanın turnir cədvəlində 4-cü pillədə mövqe tutub.
