AFFA İntizam Komitəsinin növbəti iclası keçirilib.
Shimal.News xəbər verir ki, toplantıda Azərbaycan Kubokunun 1/4 final mərhələsinin cavab oyunları ilə bağlı bir sıra qərarlar qəbul olunub.
Belə ki, 4 mart 2026-cı il tarixində keçirilən "Qarabağ" – "Şamaxı" qarşılaşmasında "Şamaxı" komandasının 4 futbolçusu sarı vərəqə aldığı üçün klub 700 manat məbləğində cərimələnib. Bu qərar AFFA İntizam Məcəlləsinin 43.1-ci maddəsinə əsasən qəbul edilib.
Həmin gün baş tutan "Qəbələ" – "Sabah" oyununda isə "Qəbələ" komandasının 50 nömrəli futbolçusu Adriel Ba Loua matçın 48-ci dəqiqəsində ciddi qayda pozuntusuna görə birbaşa qırmızı vərəqə alıb. Buna görə futbolçu 2 oyunluq diskvalifikasiya edilib, klub isə 1000 manat cərimə olunub.
Qərar AFFA İntizam Məcəlləsinin 44.1-ci maddəsinə uyğun olaraq verilib.
