Misli Premyer Liqasının VI turu “Şamaxı” üçün əlamətdar olub.
İdman.biz-in məlumatına görə, bu barədə PFL-in rəsmi saytı məlumat yayıb.
“Araz-Naxçıvan”la görüş meydan sahibləri üçün ölkə çempionatının yüksək dəstəsində 350-ci ev matçı kimi tarixə düşüb.
Əvvəllər “Xəzər Universiteti”, “İnter” və “Keşlə” adlarını daşıyan “Şamaxı” öz meydanında 173 qələbə qazanıb, 88 dəfə məğlub olub. 1:1 hesablı bərabərlik isə 89-cu heç-heçə kimi yadda qalıb. Şamaxı təmsilçisi bu görüşlərdə 467 qol vurub, 280-ni buraxıb.
Qeyd edək ki, yalnız iki komanda – “Qarabağ” və “Neftçi” daha çox ev oyunu keçirib.
