Premyer Liqanın 8-ci turunda baş vermiş qayda pozuntularına hüquqi qiymət verilib.
Shimal.News xəbər verir ki, AFFA İntizam Komitəsinin iclasında qərar qəbul olunub.
“Şamaxı”nın futbolçusu Abdullahi Şuaybu 3 oyunluq cəzalandırılıb. Nigeriyalı hücumçu “Kəpəz”lə matçın 44-cü dəqiqəsində rəqib futbolçunu təpiklə vurub. Onun təcavüüzkar davranışına görə klubu 3000 manat cərimələnib.
Bununla “Şamaxı”nın xərcləri bitməyib. Komandanın geyim formasında uyğunsuzluğun aradan qaldırılması səbəbindən matç gec başladığı üçün klub daha 1500 manat cərimə edilib.
Xatırladaq ki, “Şamaxı” – “Kəpəz” (Gəncə) qarşılaşması 4:1 hesabla başa çatıb.
