Yeni mövsüm üçün heyətini formalaşdıran "Şamaxı" transfer çalışmalarını davam etdirir.
Shimal.News xəbər verir ki, bölgə təmsilçisi "Sumqayıt"ın gənc futbolçusu Nadir Orucovla maraqlanır. Müqavilə müddəti başa çatan bir sıra yerli oyunçularla yollarını ayıran Şamaxı klubu yaranan boşluqları yeni transferlərlə doldurmağı planlaşdırır.
Bildirilir ki, şamaxılılar 19 yaşlı sol cinah müdafiəçisini icarə əsasında heyətinə qatmaq niyyətindədir. Bununla bağlı tərəflər arasında ilkin danışıqlar aparılıb.
Lakin "Sumqayıt" rəhbərliyi hələlik futbolçunun icarəyə verilməsi variantına müsbət yanaşmır. Buna baxmayaraq, danışıqların davam etdirilməsi istisna edilmir.
Qeyd edək ki, Nadir Orucov son mövsümdə "Sumqayıt"ın heyətində çıxış edib və perspektivli gənc müdafiəçilərdən biri hesab olunur.
