"Şamaxı" futbol klubunda baş məşqçi postu üçün əsas namizədlərin adları məlum olub.
Bizim.Media-nın məlumatına görə, komandanı mövsümün sonunda tərk edəcəyini açıqlayan Ayxan Abbasovun yerinə hazırda üç yerli mütəxəssisin namizədliyi nəzərdən keçirilir.
Namizədlər arasında sabiq milli komanda çalışdırıcısı Şahin Diniyev, I Liqada "Şəfa" ilə uğurlu çıxışı ilə diqqət çəkən gənc məşqçi Elgiz Kərəmli və hazırda "Kəpəz"ə rəhbərlik edən Azər Bağırov yer alır.
Məlumata görə, klub rəhbərliyi artıq ötən ilin noyabrında "Səbail"dən ayrılan Şahin Diniyevlə ilkin təmas qurub. Digər iki məşqçinin isə hazırkı komandalarında fəaliyyətini davam etdirmək istədiyi bildirilir.
Qeyd edək ki, "Şamaxı" Misli Premyer Liqasında 31 turdan sonra 35 xalla turnir cədvəlinin 8-ci pilləsində qərarlaşıb.
