Bu gün Futbolun İnkişaf Fondunun vasitəçiliyi ilə “Şahdağ Qusar” futbol klubu və “İSFA” arasında tərəfdaşlıq müqaviləsinin imzalanma mərasimi keçirilib.
Shimal.News məlumat verir ki, tədbir paytaxtda yerləşən “Ibis Hotel”də baş tutub.
Mərasimdə tərəfdaşlıq müqaviləsini “Şahdağ Qusar” FK-nın prezidenti Rahid Əmirquliyev və “İSFA” şirkətinin direktoru Samir Xeyirbəyov imzalayıblar. Müqaviləyə əsasən, klubun oyun, məşq və nümayiş dəstlərinin arxa hissəsində tərəfdaşın loqosu yerləşdiriləcək.
İSFA MMC 2015-ci ildən kənd təsərrüfatı sahəsində fəaliyyət göstərir. Şirkət innovativ damlama-suvarma və yağmurlama sistemlərinin satışı və quraşdırılması, meyvə tinglərinin istehsalı və satışı, intensiv bağların salınması və aqro-texniki xidmətlərlə məşğuldur.
