"Şahdağ Qusar" futbol klubu heyətini iki yeni futbolçu ilə gücləndirib.
Shimal.News xəbər verir ki, bölgə təmsilçisi yeni mövsüm öncəsi transfer çalışmalarını davam etdirərək anqolalı Jose Cristovao Zengo və kamerunlu Arsene Daudanı heyətinə qatıb.
Klubun yaydığı məlumata görə, 21 yaşlı yarımmüdafiəçi Jose Cristovao ilə 1+1 illik müqavilə imzalanıb. Messias ləqəbi ilə tanınan futbolçu Anqolanın ən köklü klublarından olan "Petro Luanda"nın yetirməsidir. O, daha sonra Portuqaliyanın "Vizela" və Xorvatiyanın "Kustosija" komandalarının formasını geyinib.
"Şahdağ Qusar"ın digər transferi isə kamerunlu yarımmüdafiəçi Arsene Dauda olub. 21 yaşlı futbolçu ilə mövsümün sonunadək müqavilə bağlanıb. Arsenenin son klubu I Liqa təmsilçisi "Cəbrayıl" olub.
