Azərbaycan Birinci Liqasında çıxış edən "Şahdağ Qusar" futbol klubu yeni mövsüm üçün transfer çalışmalarını davam etdirir.
Shimal.News xəbər verir ki, klubun yaydığı məlumata əsasən, komanda anqolalı yarımmüdafiəçi Aqostinyo Çipesse ilə əməkdaşlığı davam etdirəcək. Futbolçu ilə yeni müqavilə uzadılıb. O, növbəti mövsümdə də "Şahdağ Qusar"ın formasını geyinəcək.
Qeyd edək ki, Aqostinyo Çipesse bu ilin yanvar ayından etibarən Qusar təmsilçisinin heyətində çıxış edir. Klub rəhbərliyi onun yeni mövsümdə də komandanın uğurları üçün mübarizə aparacağını bildirib.
