Gənclər və İdman Nazirliyinin səyyar "Sağlam həyat" avtomobili Xaçmaz rayonunun Nabran qəsəbəsində olub.
Shimal.News xəbər verir ki, bu barədə Gənclər və İdman Nazirliyi məlumat yayıb.
Bildirilib ki, layihə çərçivəsində sakinlər avtomobildə quraşdırılmış müasir idman qurğularında qüvvələrini sınayıb, müxtəlif fiziki tapşırıqları yerinə yetiriblər.
Qeyd olunub ki, layihənin məqsədi əhali arasında fiziki aktivliyi artırmaq, sağlam həyat tərzini təbliğ etmək və idmana marağı daha da gücləndirməkdir.
