Bu gün Şabranda Cüdo Təlim Mərkəzi fəaliyyətə başlayıb. Açılışda gənclər və idman naziri Fərid Qayıbov, Şabran Rayon İcra Hakimiyyətinin başçısı Asif Hüseynov, Azərbaycan Cüdo Federasiyasının icraçı vitse-prezidenti Rəşad Rəsullu və digər rəsmilər iştirak ediblər.
Shimal.News xəbər verir ki, mərkəz müasir standartlara cavab verən tatamilər və avadanlıqlarla təchiz edilib. Zalda 200-dən çox idmançı cüdo ilə məşğul olacaq.
Azərbaycan Cüdo Federasiyası 2022-2025-ci illərdə Qusar, Zaqatala, Qax, Gəncə, Sumqayıt, Ağstafa, Goranboy, Sabirabad, Zəngilan rayonunun Ağalı kəndi, Bakının Zirə qəsəbəsi, Ağdaş, Kürdəmir, Astara, Cəlilabad, Tərtər, Qax, İmişli və Zaqatalanın Mosul kəndində cüdo zalları açılıb.
Növbəti cüdo zallarının isə Siyəzən, Masallı, Cəlilabad və Qobustanda istifadəyə verilməsi planlanır.
