Qusarlı idmançı Nurid Şəkərəliyev dağ xizək alpinizmi üzrə Avropa çempionatında uğurlu çıxışı ilə diqqət çəkib.
Shimal.News xəbər verir ki, Azərbaycan millisinin üzvü olan Nurid Şəkərəliyev Şahdağ Turizm Mərkəzi ərazisində keçirilən qitə birinciliyində beşinci yeri tutub. Bu nəticə xüsusilə onun üçün əlamətdardır, çünki idmançı cəmi beş aydır xizək sürməyə başlayıb.
İdmançımız bildirib ki, bu, onun beynəlxalq arenada qazandığı ikinci uğurdur. Bundan əvvəl o, Kayseri şəhərində təşkil olunan "Türkiye Open Sprint Cup" yarışında gümüş medal qazanıb.
Qeyd edək ki, Şahdağda keçirilən xizək alpinizmi üzrə Avropa çempionatı martın 8-dək davam edəcək. Yarışda müxtəlif ölkələrdən güclü idmançılar mübarizə aparırlar.
