"Shark" ləqəbi ilə tanınan Qusar rayonundan olan MMA döyüşçüsü Sahil Şakirov Türkiyənin İstanbul şəhərində keçirilən turnirdə qələbə qazanıb.
Shimal.News-un əldə etdiyi məlumata görə, idmançımız CFC 2 – "Core Fighting Championship" turniri çərçivəsində rəqibini nokautla məğlub edib.
Qeyd edək ki, Sahil Şakirov Qusar rayonunun Piral kəndində anadan olub. O, peşəkar arenada hələ ki, məğlubiyyət üzü görməyib və 3 qələbə qazanıb. Döyüşçünün həvəskar karyerasında da ciddi nailiyyətləri var – o, 2024-cü il dünya çempionu, 2025-ci il IMMAF Avropa çempionudur.
Sahil Şakirovun bu qələbəsi Qusar idman ictimaiyyəti tərəfindən böyük maraqla qarşılanıb.
