Qusar rayonundan olan bir qrup gənc Böyük Qafqazın Başdağ silsiləsində yerləşən Heydər zirvəsinə uğurla yürüş edib.
Shimal.News-a danışan iştirakçılar bildiriblər ki, çətin dağ relyefində təxminən 19 kilometr məsafə qət olunub. Bu, 7 saat ərzində mümkün olub.
Qeyd edək ki, Heydər zirvəsi Quba rayonunun Xınalıq kəndi yaxınlığında yerləşən məşhur dağ zirvələrindən biridir. O, dəniz səviyyəsindən 3751 metr hündürlükdə, Böyük Qafqazın Başdağ silsiləsinin Qızılqaya massivində yerləşir.
İdmançılar bildiriblər ki, marşrutun çətin olmasına baxmayaraq, yürüş uğurla başa çatıb və iştirakçılar zirvəyə qalxaraq geri qayıdıblar.
