Qusar rayon İmamqulukənd kənd futbol meydançasında rayonun kənd komandaları arasında futbol idman növü üzrə Qusar rayon birinciliyinin final oyunu keçirilib.
Shimal.News-un məlumatına görə, yarışlarda rəsmi şəxslərlə yanaşı, futbol üzrə məşqçi-müəllimlər, tərkibi 18 nəfər olmaqla futbol komanda iştirakçıları və 2000-dən yuxarı azarkeş iştirak edib.
Gərgin mübarizə şəraitində keçən oyunda Köhnə Xudat Qazmalar və Bədişqala kənd komandalarının qarşılaşması 2:1, birincilərin xeyrinə bitib.
Nəticədə Köhnə Xudat Qazmalar kənd futbol komandası I yer, Bədişqala kənd futbol komandası isə II yerə layiq görülüb.
Sonda qaliblər Quba-Xaçmaz Regional Gənclər və İdman idarəsi və təşkilatlar tərəfindən müvafiq diplom, medal, kubok və pul mükafatı ilə təltif ediliblər.
