Qusar Rayon İcra Hakimiyyətinin başçısı Sahir Məmmədxanov son günlər rayonda müşahidə olunan güclü yağışlar və yaranan problemlərlə bağlı aidiyyəti qurum rəhbərləri ilə görüş keçirib.
Shimal.News xəbər verir ki, toplantıda rayon üzrə su, qaz, elektrik təchizatı və yol infrastrukturundakı mövcud vəziyyət müzakirə olunub, fəsadların aradan qaldırılması istiqamətində görülən işlər dəyərləndirilib.
Rayon rəhbəri əhalinin təhlükəsizliyinin və kommunal xidmətlərin fasiləsiz təmin olunmasının əsas prioritet olduğunu vurğulayaraq aidiyyəti qurumlara təxirəsalınmaz tapşırıqlar verib.
Sahir Məmmədxanov həmçinin Laza kəndinə gedən yolda aparılan təmir-bərpa işləri ilə yerində tanış olub.
