Quba futbolunda yeni mərhələ başlayır. "Səbail" futbol klubu bundan sonra Azərbaycan I Liqasında Qubanı təmsil edəcək.
Shimal.News xəbər verir ki, Mirzə Bayrampur İdarə Heyətinin rəhbəri, Amin Məmmədov və Sərxan İbrahimov isə üzvlər kimi təqdim olunublar.
Təqdimat mərasimində klubun 2026/2027 mövsümü üçün yeni formaları da nümayiş etdirilib. Ağ və yaşıl rənglərdə hazırlanan formalarla "Səbail" I Liqada mübarizə aparacaq.
Futbolun İnkişaf Fondunun icraçı direktoru Tural Piriyev bildirib ki, klubun məqsədi yalnız Quba adından çıxış etmək deyil, bölgədə sevilən komandaya çevrilməkdir.
Klubun yeni prezidenti Mirzə Bayrampur isə əsas hədəfin I Liqada çempion olaraq Premyer Liqaya qayıtmaq olduğunu açıqlayıb. O, həmçinin uşaq futboluna xüsusi diqqət yetiriləcəyini bildirib.
Qeyd edək ki, "Səbail" ötən mövsüm I Liqanı 50 xalla üçüncü pillədə başa vurub.
