II Liqada çıxış edən "Quba" futbol klubunun adının dəyişdirilməsi gözlənilir.
Məlumata əsasən, bölgə təmsilçisi satılır. Klubun yeni sahiblərinə verilməsi prosesi yekunlaşmaq üzrədir və yaxın vaxtlarda bununla bağlı rəsmi açıqlamanın verilməsi gözlənilir.
Komanda mövsümün ilk dövrəsini "Quba" adı ilə keçirəcək. Bundan sonra isə klub fəaliyyətini "Bərdə" adı altında davam etdirəcək.
Bununla yanaşı, Azərbaycan futbolunda daha bir ad dəyişikliyi də gözlənilir. Bildirilir ki, I Liqada çıxış edən "Səbail" yeni mövsümdən "Quba" adı ilə mübarizə aparmaq niyyətindədir.
Beləliklə, "Quba" adı II Liqadan I Liqaya keçəcək, hazırkı II Liqa təmsilçisi isə "Bərdə" adı ilə çıxışını davam etdirəcək.
Mənbə: Sport24.az
