Qubada məktəblilər arasında idmana marağın artırılması məqsədilə yürüş keçirilib.
Shimal.New-un məlumatına görə, tədbir Rəhman Məmmədov adına Alekseyevka kənd tam orta ümumtəhsil məktəbində "İdman Həftəsi" çərçivəsində təşkil olunub.
Yürüşdə müxtəlif idman növləri ilə məşğul olan şagirdlər iştirak edərək sağlam həyat tərzinin təbliğinə dəstək veriblər.
Məktəbdə təhsil alan 1209 şagirddən 90 nəfəri müxtəlif idman növləri üzrə peşəkar şəkildə məşğul olur. Fərqlənən idmançı şagirdlər "yaşıl rəğbətləndirmə kartı" ilə təltif ediliblər.
