Mövsümü 11-ci yerdə bitirən "Qəbələ" pley-offda "Mingəçevir"i məğlub etməklə elitada yerini qorudu. "Qırmızı-qaralar"ın baş məşqçisi Kaxaber Sxadadze oyunsonrası mətbuat konfransında ona taleyi ilə bağlı ünvanlanan suallara ikibaşlı cavab verdi:
"Bu sualı rəhbərliyə vermək lazımdır. Mənim müqaviləm davam edir. Hazırda yorğunam, uçub getmək barədə düşünürəm".
Sxadadzenin taleyi ilə bağlı suala "Qəbələ"nin idman direktoru Səbuhi Səfiyarlı belə cavab verib:
"Hələ ki birillik müqaviləmiz var. Müqaviləyə xitam verilməsi gözlənilmir".
Xatırladaq ki, gürcü mütəxəssis 2024-cü ilin fevralından komandanı çalışdırır.
Mənbə: footballplus.az
