"Qəbələ" futbol komandası təlim-məşq toplanışına iyulun 4-də başlayacaq.
Report.az-ın məlumatına görə, bu baradə "qırmızı-qaralar"ın mətbuat xidmətinin rəhbəri Elnur Məmmədli bildirib.
O, hazırlıq prosesinin Qəbələdə baş tutacağını söyləyib:
"Komanda toplanışın startından təxminən bir həftə sonra burada ilk yoxlama oyununu keçirəcək. Qəbələyə təlim-məşq toplanışına gələcək komandalardan biri ilə qarşılaşacağıq. Ümumilikdə 6 yoxlama matçı nəzərdə tutulub".
Qeyd edək ki, Azərbaycan Premyer Liqasında yeni mövsümə avqustda start veriləcək.
