Qəbələ İdman Olimpiya Kompleksində III MDB Oyunlarının yarışlarının həyəcanlı anları baş verəcək.
Shimal.News xəbər verir ki, bu gün saat 10:00-da stolüstü tennis üzrə fərdi yarışların final mərhələsi keçiriləcək. Atıcılıq klubunda stend atıcılığı yarışlar təşkil olunacaq. Qəbələ Şəhər Stadionunda isə iki futbol matçı oynanılacaq. Belarus Özbəkistan, Qırğızıstan Tacikistanla üz-üzə gələcək.
Azərbaycanın ev sahibliyi etdiyi III MDB Oyunlarında 13 ölkədən ümumilikdə 1624 idmançının iştirak edir. Yarışlara oktyabrın 8-də yekun vurulacaq.
