Qəbələ şəhər stadionunda III MDB Oyunlarına hazırlıq məqsədilə test xarakteri daşıyan futbol matçı keçirilib.
Shimal.News xəbər verir ki, meydanda "Qəbələ" Futbol Klubunun aşağı yaş qrupları üzrə komandaları qarşılaşıblar.
III MDB Oyunları öncəsi təşkil edilən test yarışlarında idarəçilik, texniki detallar və təhlükəsizlik tədbirləri ətraflı şəkildə yoxlanılır.
Xatırladaq ki, III MDB Oyunları 28 sentyabr - 8 oktyabr 2025-ci il tarixlərində Azərbaycanın yeddi şəhərində - Gəncə, Yevlax, Mingəçevir, Qəbələ, Şəki, Göygöl və Xankəndidə keçiriləcək. Açılış və bağlanış mərasimləri Gəncə Şəhər Stadionunda olacaq. III MDB Oyunları çərçivəsində futbol yarışı isə Qəbələ şəhər stadionunda təşkil ediləcək.
