Premyer Liqa təmsilçisi "Şamaxı"nın milli komandaların oyunları ilə əlaqədar yaranan fasilədən necə istifadə edəcəyi dəqiqləşib.
Fanat.az-ın məlumatına görə, bunu "aslanlar"ın sözçüsü Yusif Hüseynli açıqlayıb:
"Futbolçuların bir neçəsi millilərin sıralarında olduqları üçün düşərgədə 18 oyunçu qalıb. Komanda 3 günlük istirahətdən sonra oktyabrın 9-da bir araya gələrək məşqlərə başlayacaq. Bildiyiniz kimi, baş məşqçi Ayxan Abbasov hazırda əsas millidə olduğu üçün məşqlərə onun köməkçiləri nəzarət edəcəklər. Yoxlama oyunu planlaşdırılmayıb. Ola bilsin ki, məşqlərə əvəzedici komandadan da bir neçə oyunçu cəlb edildi. Amma bu da hələ dəqiqləşməyib".
Xatırladaq ki, "Şamaxı" çempionatın son turunda səfərdə "Qəbələ"ni 1:0 hesabı ilə yenib.
