Çimərlik güləşi üzrə yeniyetmələr və böyüklər arasında Azərbaycan çempionatı başa çatıb.
Shimal.News xəbər verir ki, yarışın ikinci günündə böyüklər və yeniyetmə qızlar arasında final qarşılaşmaları baş tutub.
Ümumilikdə 7 çəki dərəcəsi üzrə 85 idmançı mübarizə aparıb. Gərgin və maraqlı keçən qarşılaşmalar nəticəsində öz çəki dərəcəsində fərqlənən güləşçilər müəyyənləşib.
Yeniyetmə qızlar arasında 65 kq çəki dərəcəsində çıxış edən İsmayıllı rayon Kürdmaşı kənd sakini Rəna Nuriyeva rəqiblərinə üstün gələrək çempion titulunu qazanıb və qızıl medala layiq görülüb.
Yarışın sonunda fərqlənən idmançılara Gənclər və İdman Nazirliyi tərəfindən medal və diplomlar təqdim olunub.
