2-ci liqanın lideri “Şahdağ Qusar” və onun rəgibi “Şəfa” ilə bağlı AFFA qərar verib.
Shimal.News xəbər verir ki, İntizam Komitəsi iclas keçirib.
“Şəfa”nın 4 futbolçusu sarı vərəqə aldığına görə, komanda 70 manat cərimələnib. Matçın ilk hissəsi və 2-ci hissəsi bitdikdən sonra meydançaya kənar şəxslər daxil olduğuna görə “Şəfa” 80 manat cərimə olunub. Meydan sahiblərinin azarkeşləri tərəfindən pirotexniki vasitədən istifadə edildiyinə görə klub 150 manat xərcə düşüb.
“Şahdağ Qusar” azarkeşləri tərəfindən meydançaya kənar əşyalar atıldığına görə komanda 80 manat ödəməli olacaq. Qusarlıların azarkeşləri tərəfindən pirotexniki vasitədən istifadə edildiyinə görə “Şahdağ Qusar” 150 manat cərimə olunub. Stadiona vurulmuş zərər də klub tərəfindən ödəniləcək.
