Bu gün AFFA İntizam Komitəsinin növbəti iclası keçirilib. İkinci Liqanın oyunlarındakı qayda pozuntularına hüquqi qiymət verilib.
Shimal.News xəbər verir ki, İkinci Liqanın 23-cü turunun oyunları ilə bağlı aşağıdakı qərarlar qəbul olunub:
“Sheki City” – “Kür-Araz” oyununun 81-ci dəqiqəsində “Kür-Araz”ın futbolçusu Eltun Həsənli 2-ci sarıdan qırmızı vərəqə aldığı üçün 1 oyun cəzalanıb. Komandası isə 50 manat cərimə edilib. Bu oyuna Təcili Tibbi Yardım avtomobili təyin edilmiş vaxtdan gec gəldiyinə görə Şəki komandası 100 manat cərimə edilib.
“Göygöl” – “Qusar” qarşılaşmasında şimal təmsilçisi görüşə gec gəlməsi səbəbindən 150 manat cərimə edilib. Oyunun 90-cı dəqiqəsində “Qusar”ın futbolçusu Orxan Qurbanlı təcavüzkar davranışa görə birbaşa qırmızı vərəqə aldığı üçün 4 oyun cəzalanıb. Onun komandası buna görə 300 manat cərimə edilib.
“Hypers Guba” – “Dinamo” oyununda Quba 6 oyunçusu sarı vərəqə aldığı üçün 70 manat cərimələnib.
