SSRİ rekordçusu, ümumittifaq dərəcəli hakim Tofiq Karayevin şərəfinə həsr olunmuş üçnövçülük üzrə Azərbaycan çempionatı keçirilib.
Shimal.News xəbər verir ki, sayca 27-ci yarışda paytaxtla yanaşı, Quba, Xaçmaz, Xızı, İsmayıllı, Gəncə, Gədəbəy, Bərdə və Astaradan olan 2011/2012-ci il təvəllüdlü 80 gənclər iştirak edib. Onlar 60, 200 metr məsafəyə qaçış və uzunluğa tullanma üzrə mübarizə aparıblar.
Tədbir Gənclər və İdman Nazirliyi və Azərbaycan Atletika Federasiyası ilə birgə təşkil edilib. Mərasimdə çıxış edən Azərbaycan Atletika Federasiyasının prezidenti Cavid Qurbanov atletikada ilk addımlarını atan iştirakçılara uğurlar arzulayıb və əsas məqsədin istedadlı uşaqların müəyyən edilərək onlara lazımi dəstəyin göstərilməsindən ibarət olduğunu bildirib.
