Bu gün Azərbaycan 1-ci liqasında mövsümün son matçları keçiriləcək.
Shimal.News xəbər verir ki, 27-ci turun 2-ci oyun gününə 3 görüşü saat 15:00-da baş tutacağı təyin edilib.
“Cəbrayıl” – “Zaqatala” oyunu “ASCO Arena”da, “Bakı Sportinq” – MOİK görüşü Binə qəsəbə stadionunda, “Difai” – “İmişli” matçı Şamaxı OİK stadionunda keçiriləcək.
Məlumat üçün bildirək ki, "Qəbələ" artıq liqanın çempionu olub, "İmişli" 2-ci, "Karvan" 3-cü yeri tutub. Sözügedən klublar növbəti mövsüm Misli Premyer Liqasında mübarizə aparmaq hüququ əldə ediblər. "Qaradağ Lökbatan"ın isə 2025/26 mövsümündə 2-ci liqada yarışacağı dəqiqləşib.
