Ağdaşda ehtiyatsızlıqdan açılan atəş nəticəsində 51 yaşlı qadın xəsarət alıb.
Rayon sakini qarın nahiyəsindən aldığı xəsarətlərlə xəstəxanaya müraciət edib. Araşdırma zamanı xəsarətin qonşuluqda yaşayan 14 yaşlı yeniyetmənin açdığı atəş nəticəsində yarandığı məlum olub.
İlkin məlumata görə, yeniyetmə küçə heyvanına tir tüfəngindən atəş açarkən güllə ehtiyatsızlıqdan qonşuluqda yaşayan qadına dəyib.
Hadisə ilə bağlı araşdırma aparılır. Atəş açıldığı bildirilən tir tüfəngi polis əməkdaşları tərəfindən götürülüb.
Qeyd edək ki, hadisədə adı hallanan yeniyetmənin Ağdaşda tanınmış sahibkarın nəvəsi olduğu bildirilir.
Mənbə: Qafqazinfo.аz
