Qədim zamanlardan yemişanın faydalarını bilən insanlar qış aylarında bu möcüzəvi bitkidən yararlanırlar.
Sakinlər Shimal.News-a bildiriblər ki, əsasən meşə ərazilərində rast gələn bu təbii dərmanın yığımına start verilib.
Giləmeyvələr toplanaraq yuyulur və təmizləndikdən sonra soyuq aylar boyunca istifadə edilir. Sobaların üzərində çaydanlarda müalicəvi çay dəmlənir. Bu isti içkinin özünəməxsus dadı, qoxusu və rəngi var.
Yemişan təbii ürək dərmanı sayılır. O, bir çox vitamin (xüsusilə C və B qrupu vitaminləri), mikroelementlər, orqanik turşular, efir yağları və s. faydalı maddələri özündə daşıyır. Taxikardiya və aritmiyanı aradan qaldırması ilə yanaşı, yemişan ürəyin və beyinin oksigenlə təchizatını artırır, maddələr mübadiləsini yaxşılaşdırır, yuxusuzluqla mübarizədə kömək edir, qanda xolesterinin səviyyəsini azaldır.
