“Меl” folklor ansamblı 1976-cı ildə sənətkar İmaməli İlyasov tərəfindən Hil kənd mədəniyyət evində yaradılmışdır.
Ansambl ləzgilərin qədim iməcilik adəti olan melin təbliği ilə məşğul idi. “Mel”in ilk konserti 1978-ci ildə keçirilmişdir. Ansambl ilk vaxtlarında Lenin adına sovxozun fəhlələrindən, məktəblilərdən və mədəniyyət evinin işçilərindən təşkil olunmuşdur.
Kollektiv 1979-cu ildə respublika festivalında üçüncü yerə, 1980-ci ildə Respublika Mədəniyyət Nazirliyinin keçici “Qırmızı bayrağ”ına və pul mükafatına layiq görülmüşdür. Ansambl 1987-ci ildə II Respublika festivalının laureatı olmuşdur. Həmin il ansambla “Xalq kollektivi” adı verilmişdir. 2019-cu ildə kollektiv respublika baxışında ikinci yer tutmuşdur.
Kollektivin repertuarında “Pərizada”, “Alagözlü”, “Zöhrəxanım”, “Gam xrazvay ruş”, “Aşuqdinni ruşan mani”, “Hilividin ruş” kimi mahnılar, “Kaxva”, “Məhərrəmxür”, “Lezgid ruş”, “Sa ripe qül” kimi oyun havaları olub.
Ansambl 2021-ci ildə Şuşada keçirilən Xarıbülbül festivalında iştirak edib.
İstinad edilən mənbələr:
